Pahan’s Diary| පහන්ගේ දින සටහන්

ඇන්ඩ්‍රොයිඩ් සඳහා සිංහල වෙබ් බ්‍රව්සරය.– siyalu. | siyalu sinhala web browser for android

Posted by පහන් on මැයි 20, 2012 4 comments

කලින් බ්ලොග් පෝස්ට් මතකනෙ කිව්වා ඇන්ඩ්‍රොයිඩ් වලට සිංහල සහය අන්තිම දුර්වලයි කියලා. apple iOS උනත් මේ අතින් ඉස්සරහින් ඉන්නවා ඇන්ඩ්‍රොයිඩ් වලට වඩා. fonts install කරන්න root කරලා ජන්ජාලයක් කරන්න වෙනවා.

siyalu කියන්නේ ඇන්ඩ්‍රොයිඩ් සඳහා හදපු නොමිලේ ලබාගන්න පුළුවන් සිංහල වෙබ් බ්‍රව්සර් එකක්. සිංහල fonts ස්තාපනය කරන්න අවශ්‍ය නැහැ.

siyalu browser එකේ screenshots කීපයක්.

ලිෂානයගෙ බ්ලොග් ‍රෝල.

‍‍‍ චූටි මහත්තයගෙ සයිබර් යාය.

මේක මගේ phone එකේ විතරක් test කරලයි මුලින්ම release කලේ. සමහරු reviews අතෑරලා තිබුනා ස්ලෝ කියලා. දැන් නම් ගොඩක් දුරට ඒවා හදලයි තියෙන්නේ. ඒකයි බ්ලොග් පෝස්ට් එක ලිවිල්ලත් පරක්කු කලේ. ඒවා හදන්න sinhala rendering කෑල්ල මුල ඉඳලාම වගේ ආයෙ ලියන්න උනා. Open-mouthed smile

siyalu browser එකේ source code එක open source GPL v3 license එක යටතේ ඕනෑම කෙනෙකුට පාවිච්චි කරන්න පුළුවන්.

මේ වැඩේටත් හැමදාමත් වගේ ග්‍රැෆික් ටික ලස්සනට කරලා දුන්නු ලිෂාන් ට ‍මගේ ස්තුතිය.

ඇප් එකට කැමතිනම් facebook, google plus, twitter වල share කරාවි කියලා හිතනවා. google play එකේ reviews දාන්න පුලුවන් නම් ඒකත් වටිනවා.

හත්මාළුව බ්ලොග් කියවනය දැන් ඇන්ඩ්‍රොයිඩ් ඇප් එකක් ලෙස.

Posted by පහන් on මැයි 7, 2012 None comments

හත්මාළුව බ්ලොග් කියවන්න දැන් ඔබේ ඇන්ඩ්‍රොයිඩ් දුරකතනයෙනුත් පුළුවන්. මේ සඳහා මේ සබැඳියෙන් එම ඇප් එක ලබාගන්න පුළුවන්. මේ සඳහා ඇන්ඩ්‍රොයිඩ් 2.2 හෝ ඊට පසු නිකුත් වූ ඕනෑම මෙහෙයුම් පද්ධතියක් තිබීම ප්‍රමාණවත් වෙනවා. root කිරීම හෝ සිංහල fonts ස්තාපිතව තිබීමට අවශ්‍ය වන්නේ නැහැ.
තිරපිටපත්.

බ්ලොග් ලිපියේ සාරාංශය මත ටැප් කිරීමෙන් සම්පූර්ණ ලිපිය කියවන්න පුළුවන්.

‍‍ලෝඩ් වෙන්නෙ හෙමිහිට නම් settings මඟින් optimized mode ක්‍රියාත්මක කරලා බලන්න පුළුවන්.

හයිවේ බස් මගීන්ට තිබෙන පහසුකම්වලට අමතරව නොමිලේ නාගැනීමේ පහසුකමත්

Posted by පහන් on අප්‍රේල් 15, 2012 11 comments

අද දවල් 1.45ට විතර ගාල්ල බස් ස්ටෑන්ඩ් එකට ආවෙ නිවාඩුව ඉවර වෙලා ආයෙත් හෙට ඉඳලා වැඩට යන්න හිතාගෙන. අධිවේගී බස් නවත්වන තැන ඉඳලා දෙවැනි මහලත් එක්කම තිබුනු පාලමට විතර තිබුනු සූටිම සූටි පෝලිමක විනාඩි 45ක් විතර ඉඳලා හයිවේ බස් එකකටම නැග්ගේ මහරගම ඉඳලා විනාඩි 15ක විතර දුරින් අපේ බෝඩ්ම තිබුණ හින්දා. සාමාන්‍ය බස් එකේ ආවා නම් අඩුම ගානේ පැය 5ක් විතර යන එක පැය 2ක් 2 1/2 ක් විතර තමයි අධිවේගෙ ආවොත් යන්නේ.

මගේ (අ)වාසනාවට අනිත් හයිවේ බස් වලින් වෙනස් වෙච්ච බස් එකක තමයි එන්න ලැබුනේ.

1. අනිත් බස් වල LCD display 3ක් තිබ්බත් මඟීන්ගේ ඔළුවල වදී කියලා බයේ දෙකක් ගලවලා තිබුනේ. මඟීන්ගෙ නින්දට බාධා වෙයි කියලා off කරලා තිබුනේ ඒ වෙනුවට කර්ණ රසායන බස් සංගීතය දාලා තිබ්බ.

2. පරිසර දූෂණය අවම කිරීමේ පියවරක් වශයෙන් මේ බස් එකේ ටිකට් දුන්නේ නැත. ( බස් ගන්න උදව් කරන බෑන්ක් එකේ උපදේසයක්ද දන්නෑ.)

3. අනතුරකදී සීට් බෙල්ට් එකේ හිරවෙලා මැරුනොත් කියලා එකඳු සීට් බෙල්ටයක් හෝ තිබුනේ නැත.

4. මා සිටියේ emergency exit එකක් ළඟය වීදුරුව අලවලා වගේ තිබුනෙ. emergency exit එකත් බුදු ෂුවර් පාටය. නිකරුනේ exit වීම වැලැක්වීමටදෝ නයිලෝන් ලනුවක් තිබුනි.

5. බස් එක නඩත්තු කිරීම අන්තිම ඉහලයි. කැඩිච්ච ගැලවිච්ච ප්ලාස්ටික් කෑලි ටේප් වලින් නියමෙට අලවලා තිබුනා. ඒව අස්සෙන් එකපාරට ලස්සනට දියඇලි වගේ වතුර ආවා.

6. බලශක්ති ඉතිරි කිරීම සඳහා ගලවා දැමුනු ෆෑන්

7. නියමම වැඩේ තමයි අද හිස තෙල් ගාලා නාන්න බස් එක පුරාම ෂවර් හයි කරලා තිබුනා. මුලින්ම මේ ගැන කොන්දොස්තරට ස්තුති කලේ මම , පස්සේ ස්තූති කර කර බස් එකේ ගොඩක් අය මාකුඹුරෙන්ම බැස්සා.

ඔන්න ඔහොමයි උනේ. මොනව උනත් බැස්ස හැමෝටම කොන්දොස්තර කුඩයක් ඇල්ලුව. වෙච්ච සීන් එකට මගෙන් සමාවත් ඉල්ලුව. බස් එකේදි මීට කලින් එක වතාවකදී විතරක් දැකලා තියෙන බ්ලොග්කාරියක් වගේ එක්කෙනෙක් දැක්ක මට නම මතක තිබ්බෙ නැති නිසාත් එයාමද කියලා ෂුවර් නැති නිසාත් කතා‍කලේ නැහැ. Open-mouthed smile

වදන් සෙවුම , දකින වදන් එසැනින් හෙළබසට හරවන්නට- දැන් ඔබේ ඇන්ඩ්‍රොයිඩ් දුරකතනයේ

Posted by පහන් on අප්‍රේල් 15, 2012 9 comments

ලැබුවාවූ අලුත් අවුරුද්ද ඔබ සැමට, වාසනාවන්ත සුබ අලුත් අවුරුද්දක් වේවා!!! කියලා ප්‍රාර්ථනා කරනවා.

අලුත් අවුරුද්දේ මම කරපු පළවෙනිම මෘදුකාංගය ගැන කියන්නයි මේ හදන්නේ. වදන් සෙවුම කියන්නේ OCR(Optical Character Recognition) තාක්ෂණය බාවිතා කරමින් ඉංග්‍රීසි වචනවල සිංහල තේරුම් ලබාගතහැකි ඇන්ඩ්‍රොයිඩ් මෘදුකාංගයක්. ඇන්ඩ්‍රොයිඩ් ගැජට් එකක් තියෙනවා නම් මේ ඇප් එක නොමිලයේම බාවිතා කරන්න පුළුවන්. ඔව් ඔව් නොමිලේ , ඇඩ් පොප් අප් මොකක්වත් නැහැ.

මෙහෙමයි පාවිච්චි කරන්නේ. ඉස්සෙල්ලා සිංහල තේරුම බලාගන්න අවශ්‍ය ඉංග්‍රීසි වචනය ඇප් එකේ කැමරා එකෙන් ලබාගන්න ඕනා. මේකට ලොකු පොඩි කරන්න පුළුවන් ඍජුකෝණාකාස්‍ර කොටස යොදාගන්න. වචනේ කොටු කරගෙන ඇප් එකේ දකුණු පැත්තේ උඩ තියෙන කැමරා බටන් එක ඔබන්න. ඉන් පස්සේ ඇප් එකෙන් අඳුරගත්තු වචනය අදාල සිංහල තේරුමත් සමඟ පෙන්වාවි. අදුනාගත්තු වචනේ වැරදි තියෙනවා නම් නිවැරදි කරන්නත් ඒ සඳහා ඔබට අවස්තාව ලබාදීලා තිබෙනවා.

හදලා google play එකට දාපු ගමන්ම ගොඩක් අය install කරලා තිබුනා. මුලින්ම දාපු version එකේ internet නැති වෙලාවට ඇප් එක crash වෙන ලෙඩක් තිබුනා මේ වෙද්දි නම් ඒක හදලයි තියෙන්නේ.

ඇප් හදන වැඩේට එකට මුල ඉඳලාම ලිෂාන් පුවක්ඕවිට සෑහෙන්න සහයෝගයක් දුන්නා. අපරාදෙ කියන්න බෑ ඕන බැනර් එකක් අයිකන් එකක් නෑ ‍බෑ නැතුව හදලා දුන්නා. ඇන්ඩ්‍රොයිඩ් වල සිංහල සහය නං අන්තිම දුර්වල බව කියන්න ඕනි. ඇන්ඩ්‍රොයිඩ් 4.0 වල වෙබ් විවි එකේ නම් සිංහල හොඳින් වැඩ කරන්න අවශ්‍ය complex scripts වැඩ කරනවා. ඒ කියන්නේ sinhala unicode font එකක් දාලා තියෙනවා සිංහල වෙබ් පිටු හොඳින් වැඩ කරාවි. දැනට හදලා තියෙන ගොඩක් ඇප් වෙබ්විව්(webview) හරහා javascript/css වලින් තමයි සිංහල රෙන්ඩරින් හදාගෙන තියෙන්නේ. ඒත් මේ ඇප් එක සඳහා ඒක යොදාගන්න බැරි උනා. මේ නිසා native android app එකක සිංහල රෙන්ඩරින් කරන හැටි ගැන ටිකක් මහන්සි වෙන්න උනා . Akuru Lk වල අරුනෝද දැනටමත් ඒ වෙනුවෙන් සෑහෙන්න වැඩක් කරලා තියෙනවා. මම කරපු ‍දේවලුත් ඉදිරියේදී free & open source විදියට නිකුත් කරන්නයි බලාපොරොත්තු වෙන්නේ. (තවමත් native android app සිංහල රෙන්ඩරින් සඳහා විවෘත මෘදුකාංග නිපදවෙලා නැහැ.).

ඇප් එක facebook, twitter, google plus එකී මෙකී නොකී තැන් තැන් වල share කරලා, review එකක් දාලා support එකක් දුන්නට කමක් නෑ හරිය. ;)

image එක උඩ ක්ලික් කරලා ඉන්ස්ටෝල් කරගන්න.

qrcode

බ්ලොග් අඩවියකට නැතුවම බැරි දේවල්. – සද්දයක් නෙවෙයි ඉල්ලීමක්.

Posted by පහන් on ජූලි 18, 2011 19 comments

බ්ලොග් එකකට එන්නේ.

කැල්කියුලේටරයක්වත් නැති එවුන් නිසා කැල් එකක්.

වෙලාව ගැන හැගීමක් නැති උන් නිසා වෙලාව තියෙන ගැජට් එකක්.

බ්ලොග් එක බලන එකම මෝඩයා තමන් නොවන බව පෙන්වීමට විසිටර්ස් විස්තර සහිත ගැජට් එකක්.

පම්පෝරිය පෙන්වීමට හිට්ස් ගනන සහිත ගැජට් කිහිපයක් අත්‍යාවශ්‍ය වේ.

මීට අමතරව බල්ලෝ, පූසෝ ඔටෝ පේලේවෙන රේඩියෝ/සිංදු බ්ලොග් අඩවියකට නැතුවම බැරි අංගයන්ය.

තවත් කියනවා නම්..

හිම වැටෙන ඒවා.

චැට් බොක්ස්/ෂවුට් බොක්ස්

facebook, twitter, buzz එක

මීට අමතරව තමන්ගෙ බ්ලොග් එක කොපි කිරිමට තරම් සිරාබව පෙන්වීමට රයිට් ක්ලික් කිරීම අහුරන්න පුළුවන්. බ්ලොග් හොරා javascript disable කිරීමටවත් නොදන්නවා යැයි උපකල්පනය කරන්න.

පසුව ලියමි: බ්ලොග් ලිවිල්ල කෙසේ වෙතත් තාම බ්ලොග් කියවනවා. බලා ඉඳලා බැරිම තැනයි මෙහෙම ලියන්නේ. බ්ලොග් එකකට මිනිස්සු එන්නේ එකෙ අන්තර්ගතය බලන්න මිසක් ඒකෙ තියෙන ගැජට් බලන්න නෙවෙයි. සද්දයක් නෙවෙයි ඉල්ලීමක්.

හත්මාළුවේ කතාව -02

Posted by පහන් on ජූනි 6, 2011 15 comments

ඊයෙ ලියපු මේ බ්ලොග් පෝස්ට් එකේ පළවෙනි කොටස කියෙව්වෙ නැත්තම් මුලින්ම ඒක කියවලා ආවොත් හොඳයි. ඊයෙ නැවැත්තුවේ Peter Mozelius ගැන කියලනෙ. workshop ඉවරවෙලා project එක හැටියට ලැබුනේ python ගේම් එකක් හදන්න . ඕක කරන එක නං අනිවාර්ය උනේ නැහැ. ඒත් මම ගේම් එකක් වෙනුවට හත්මාළුව වගේ feed agregator එකක් හදන එක ගැන Peter Mozeliusගෙන් ඇහුවා. අපිට python එක්ක web අඩවි හදන එක නොකරපු නිසා ඕක කරන්න සෑහෙන්න අලුතෙන් ඉගෙන ගන්න වෙයි කියලා පොඩි අනතුරු ඇඟවීමක් දැම්මා. කොහොමහරි මෙහෙම හරි project එක ඉවරකරපු එකා මම විතරද කොහෙද. කොහොමහරි මම වැඩට බැස්සෙ google web app framework ඉගෙනගන්න පටන්ගැනිල්ලෙන්. google app engine පාවිච්චි කරන්න හේතුව උනේ සයිට් එක google servers වල free host කරන්න පුළුවන් වීම.

පයිතන් වල ලොකුම වෙනස තමයි කෝඩ් සඳහා indentation නිවැරදිවම තිබිය යුතු වීම. සඟල වරහන් භාවිතා වෙනුවට indent කිරීම තමයි පාවිච්චි වෙන්නේ. ඉතිං මේක මුලදී හෙන වාතයක් උනා. මොකද indent වැරදි සමහර විට පෙන්නෙ නැති වීම. ඒත් eclipse වලට pydev plugin එක install කරගත්තට පස්සේ වැඩේ ගොඩක්ම ලේසි උනා. ඊළඟට ගැටලුවකට කියලා ආවේ google app engine වල පාවිච්චි වෙන අමුතු database වර්ගය. mysql වලට හුරුවෙලා හිටපු මට නිකං කරකවලා අතෑරියා වගේ. mysql වල ඉඳලා google data store එකට බ්ලොග් වල විස්තර අරගෙන යන්න මම script එක ලියන්න හදපු එක තමයි මම මුලින්ම කරන්න හැදුවේ. google documentation එක බලාගෙනම කීප සැරයක් ලිව්වත් වැඩේ හරිගියෙත් නැහැ. මාස ගානක් වැඩේ අතෑරලා දාලා හිටියා මේ නිසාම ආව කම්මැලිකමට.

ඔය දවස්වල මට අවස්තාවක් ලැබුනා සියබසින් නිමවූ පද්ධති හා යෙදුම් පිළිබඳ සම්මන්ත්‍රණයට දෙවැනි සම්බන්ද වෙන්න. තිබුනු මුල අවුරුද්දෙ නිකං ගිහින් ආවා. ඒත් දෙවැනි පාර ඒකෙ ඉදිරිපත්කිරීමක් කරන්න මට අවස්තාවක් ලැබුනා. කතා කරන්න මම අවස්තාව අරගෙන තිබුනේ නම් මම හදපු google chrome extensions ගැන. කලුතර රාමදා හෝටලේ තමයි මේක තිබුනෙ. මගේ presentation එක තිබුනේ දෙවැනි දවසේ. ඒත් පළවෙනි දවසේ වෙලාව ඉතිරි උන නිසා කැමති කෙනෙකුට කැමති මාතෘකාවක් ගැන කතාකරන්න අවස්ථාවක් ලැබුනා. සාමාන්‍යෙන් මම පැන පැන කතා කරන කෙනෙක් නෙවෙයි. ටිකක් පැත්තකට වෙලා මගේ පාඩුවේ ඉන්න කැමති කෙනෙක්. ඒත් මට හිතුනා මේක හොඳ අවස්තාවක් කියලා. ඒනිසා බ්ලොග් කියවන ගැන මාතෘකාව ඇදලා අරගෙන හත්මාළුව ගැනත් කිව්වා. audience ආව ප්‍රශ්න හොඳ ප්‍රශ්න ටිකකුත් ආවා. “ බ්ලොග් එකක් ලියන නොලියන එකට බලපෑම් කරන්න බ්ලොග් කියවනයක් තීරණය කරන එක සාධාරණ නැහැ නේද?” ඔය වගේ ඒවා. අනිත් බ්ලොග් කියවන කෙසේ වෙතත් හත්මාළුවේ බ්ලොග් එකක් නොලිව්වා කියලා ඉවත් නොකරන බව කිව්වා. ඇත්තටම අදටත් ඒක එහෙමමයි. තවත් භාෂා ප්‍රශ්ණයක් ඇහුවා සිංහල ඉංග්‍රීසි කවලම් ලියන බ්ලොග් වල වෙන වෙනම feed ලබාදිය යුතු වීම හා බ්ලොග් ලියන අයගේ ඒ පිලිබඳව තාක්ෂණික නොදැනුවත් බව ගැන එහෙම. ඒකටත් පිලිතුරක් දෙනවා කියලා මම එදා පොරොන්දු උනා.

අපේ training ඉවරවෙලා රස්සාවකට interview එකකට ගියාමත් මම හත්මාළුව සයිට් එක කරපු බව කිව්වා. මාව interview කරපු කපිල සර්, ශ්‍රීනාත් සර් එවෙලේම සයිට් එකට ගිහින් බැලුවා. මොනව හිතුවද දන්නෙ නං නෑ. ඒත් මට ජොබ් එක නං ලැබුනා.

කොහොම උනත් ආයෙත් google app වැඩේ පටන් අරගත්තා. මේ පාර අර මුලින් කියපු script එක මඟඇරලා වෙන තැනකින් පටන්ගත්තා. පොඩි form කෑල්ලක් අටවලා ටෙස්ටින් වැඩ වලට google buzz එකක් දාලා බ්ලොග් ටිකක් ඇඩ් කරව ගත්තා. එක එක ජාතියේ python feed libraries පාවිච්චි කරලා බැලුවා. feedparser, BeautifulSoup ඒ වගේ කීපයක්. මීට අමතරව YQL python version එකත් google feed api python version එකත් අත්හදා බැලුවා. මුලින් කියපු feedparser, BeautifulSoup කියන දෙක සෑහෙන්න resources අරගත්තා. google app එකේ cron script එකට performance warnings එන්න පටන්ගත්තා. ඒ දෙකම අමතක කරලා YQL පාවිච්චි කලා. ඒත් YQL වල එක එක feed වර්ග වලට ලබාදුන්නේ වෙනස් වෙනස් responses. ඒකත් අතෑරලා කලින් සැරයක් අසාර්ථක උන google feed api පාවිච්චි කරන්න පටන් ගත්තා. මුලින් අසාර්ථක උන හේතුව මම feed ලිපිනය යවද්දී හරියට url encoding කරපු නැති නිසා හොයාගත්තා. කලින් වැරදුන තැන දන්න නිසා බය නැතුව google feed api පාවිච්චි කලා. අන්තිමේදී අර පොරොන්දුවත් ඉටු කරන්න http://langid.net/ පාවිච්චි කරන්න බැලුවා. ඒත් කරුමෙට මම මේක ට්‍රයි කරපු දවසෙම ඒ සයිට් එක ඩවුන්. ඒ නිසා එදාම විකල්පයක් විදියට google language api එකෙන් විසඳුමක් හොයාගත්තා. ඒ විදියට බ්ලොග් පෝස්ට් එකක් ලියලා තියෙන භාෂාව සොයන කෝඩ් එකක් හත්මාළුවට එකතු උනා.

අර වැඩ නොකරපු එපා කරපු script එක google documentation එකේ වැරැද්දක් නිසයි ඒ වැරැද්ද මමත් එහෙමම කරපු නිසයි වැඩ නොකලේ කියලා පස්සේ හොයාගත්තා. ඒක තේරුනේ http://stackoverflow.com/ තිබුනු කෝඩ් එකක් දැක්කාම. ඔහොම යද්දි ආයෙත් ප්‍රශ්ණයක් ආවා ඒ බ්ලොග් ගාන වැඩි වෙද්දි cron script එකට performance warnings දෙන්න පටන් ගැනීම. මේකට පිළියමක් විදියට google app task queue පාවිච්චි කලා. බරසාර processing වැඩවලට තමයි task queue තියෙන්නේ. ඒවා process වෙන වේගය අපිට තීරණය කරන්න පුළුවන්. memcached පාවිච්චි කරලා තවත් optimize කලා.. වියදම අවුරුද්දකටම රුපියල් දාහක් විතර. ඒකත් ඩොමෙන් එකට. ඒ වියදමින්ම හත්මාළුවට කිසිම කරදරයක් නැතිව සක්‍රීය බ්ලොග් අඩවි 5000ක් උනත් දරන්න පුළුවන් කියලා කියන්න පුළුවනි. . මදිඋනොත් google quota එකක් සල්ලිවලට ගන්න පුළුවන්.

පහුගිය අප්‍රේල් නිවාඩුවේ සහ සිකුරාදා, සෙනසුරාදා දවස්වල මම නිදාගත්තේම නැති තරම් hosting package එක expire වෙන්න කලින් වැඩේ ඉවර කරන්න ඕන නිසා. ලිෂාන් ලස්සන ඩිසයින් එකක් දාලා දුන්නා. හත්මාළුව තාමත් code කරලා ඉවර නැහැ හැමදාම අලුත් මොනවා හරි එකතු වෙවී ඉස්සරහට යයි.

හත්මාළුවේ කතාව. | A story of a developer.

Posted by පහන් on ජූනි 5, 2011 14 comments

හත්මාළුව හදන්න මුලින්ම අදහසක් ආවේ 2010 මාර්තුවල වගේ. මූලිකම හේතුව උනේ සිංහල බ්ලොග්කරුවන්ගේ සංසදය තනි පුද්ගලයෙකුගේ බූදලයක් බව පැහැදිලිවම තේරුම් යාමත් එක්ක.

ඒ දවස්වල ලාංකීය සිතුවිලි වල ආරම්භකම අවධිය. ඔවුන් එතකොටත් සාර්ථකම ආරම්භයක් ලබාගෙන තිබුනා. වැපා පහුගිය දවසක මට කියපු විදියට මගේ බ්ලොග් එකත් ලාංකීය සිතුවිලි වලට එකතු උන මුල්ම බ්ලොග් වලින් එකක් උනා. නමුත් ලාංකීය සිතුවිලි සිංහල බ්ලොග් කරුවන්ගේ සංසදයට වන්දනාමාන කරන තත්වයක් මට දැනුනා. ඒක ඒ දවස්වල වැප්ගෙ අදහස් දැක්කාම මට හිතිච්ච දෙයක්. (වරදවා වටහා ගන්න එපා වැපා එක්ක තරහක් මට නැහැ.) ඒ නිසා ඔය බ්ලොග් කියවන එකකටවත් සම්බන්ද නැති සින්ඩියක් හදන්න මට ඕන උනා. ඒකට මගේ අපාය සහයක මිතුරන් දෙන්නෙක් වෙන ආගන්තුකයා සහ චමිල ( ඒ දවස්වල අපි තුන්දෙනාම UCSC network center එකේ internship හිටියේ) දෙන්නත් වැඩේට සෙට් කරව ගත්තා. wordpress දාගෙන කලින් සින්ඩි හදපු අය නාගෙන ඉන්න නාගැනිල්ල දැක්කාම wordpress අතෑරලා දැම්මා.

බ්ලොග් එකක් අප්ඩේට් උනා කියලා සින්ඩියක් දැනගන්ෙන් RSS කියන තාක්ෂනයෙන්. RSS feed වර්ග 9ක් විතර තියෙනවා. ඉතින් මේ එකකට එකක් වෙනස්. මේ 9ටම හරියන්න ලියනවා කියන්නේ ලේසි වැඩක් නෙවෙයි. ඉතිං http://simplepie.org/ කියන php class එක අහුඋනේ ඔය දවස්වල. එක මේ වැඩේට එලටම හරි ගියා. ඒත් දැන් ආයෙත් ප්‍රශ්ණයක්. ඒ තමයි හොස්ටින්. ඒ දවස්වල අපි හම්බකරපු එවුන් නෙවෙයි. training එකෙන් බොහොම පොඩි ගානක් ලැබුනා. ගෙදරිත් සල්ලි ඉල්ලන එකත් හිතට හරි නැහැ. ඉතින් කොහොමහරි සල්ලි හොයාගෙන. අප්‍රේල් මාසෙ දවසක ලසිතයයි මමයි හොස්ටින් පැකේජ් එකක් මිලදී ගත්තා 4500කට.ඩොමේන් එකකුත් 950කට ගත්තා. හෝම් පේජ් ලසිතයා ගොඩ දැම්මා. බ්ලොග් එක චමිලයා ගොඩ දැම්මා. translations හැරිසන්, සුලක්ෂි, ෂෙලානි ඇතුලු e-learning center එකේ intern හිටපු අය ගොඩ දැම්මා. ඔය දවස්වල හෝ ගාලා සින්ඩි කලඑලි බහින්න පටන්ගත්තු නිසා අපි පොඩ්ඩක් රැල්ල යනකල් ඉන්න තීරණය කලා. කොහොම හරි 2010 ජුනි 1 වෙනිදා ඔන්න ඔහේ කියලා අපි සයිට් එක host කරලා දැම්මා. හත්මාළුව කියලා නම දැම්මේ සුදාරක.

හත්මාළුවට බ්ලොග් 200ක් විතර එද්දී සෑහෙන්න performance ගැටලු ආවා. හොයලා බලද්දි පාවිච්චි කරපු simplepie කියන library එකේ memory leaks තියෙනවා කියල හම්බ උනා. google app engine පාවිච්චි කරලා ඕක ලියන්න කියලා ඒ දවස්වල network center එකේ systems manager හිටපු දීපේන්ද්‍ර අයියා(gnudeep) කිව්වා. එයා ලියපු apps ටිකකුත් පෙන්නුවා. ඒත් ලියන්න වෙන්නේ පයිතන් වලින්. ඒ වෙද්දි පයිතන් hello world වත් මම දන්නෙ නෑ. memory leak එකට පිලියමක් විදියට google feed api එක පාවිච්චි කරන්න පටන් ගත්තා. ඒත් කල්යත්දී කට්ටියගෙන් පැමිණිලි ආවා බ්ලොග් එකේ අප්ඩේට් එන්නේ නෑ කියලා. ආයෙත් simplepie වලට මාරු වෙලා code එක optimize කලා සෑහෙන්න. සින්ඩියක බ්ලොග් අප්ඩේට් වෙන්නේ server එකේ පැයකට සැරයක් වගේ ධාවනය වෙන script එකකින්. (cron)මේක එක script එකක් විදියට දුවවන්නේ නැතුව කෑලි කිහිපයකට බෙදලා දැම්මා. ඒ server resources භාවිතා වෙනවා වැඩියි කියලා මගේ හොස්ටින් සපයන්නා (lkservers) මගේ crons අයින් කරලත් තිබුනු නිසා. ඒත් සයිට් එක down උනේම නැති තරම්. බ්ලොග් ඇප්රූව් කරන්න ඇඩ්මින් පැනල් එකක් හැදුවා. එක ක්ලික් එකකින් නැත්තම් දෙකකින් බ්ලොග් එකක් ඇඩ් කරන්න පුළුවන් කම තිබුනු නිසා මොන අවුල තිබුනත් බ්ලොග් එකක් ඇප්රූව් කරන එක අපි පැය කිහිපයක් ඇතුලත කලා.

ඔය දවස්වල මට වැදගත් අවස්තාවක් ලැබුනා. ඒ Sweden වලින් ඇවිත් අපේ ucsc staff එකට කරපු python workshop එකකට සහභාගී වෙන්න ලැබීම. අපි internship හිටපු නිසා Dr. Ajantha අපෙනුත් කැමති අයට එන්න කියලා කිව්වා. workshop එක කලේ Peter Mozelius. කතා දෙකක් නෑ නියම ගුරුවරයෙක්.පැය දෙක ගානෙ දවස් පහක lecture තියලා පොඩි පහේ python game එකක් එහෙම ලියන්න අපිට කියලා දුන්නා.

——

වෙලාව නැති නිසා එක දිගට ලියන්න අමාරුයි. ඊළඟ පෝස්ට් එකෙන් ඉතුරු ටික ලියන්නම්.

Yahoo! Query Language YQL ගැන හැඳින්වීමක්…

Posted by පහන් on දෙසැම්බර් 8, 2010 4 comments

මෙච්චර කාලයක් පහනා ලිව්වෙ google ගැනමනෙ. අද යාහු සේවාවක් ගැනයි ලියන්න යන්නෙ. YQL හෙවත් yahoo query language. මමත් YQL පාවිච්චි කරන්න පටන් අහන් සතියකට දෙකකට වැඩිය නෑ. ඒ නිසා එක එක ඕන නැති පණ්ඩිත ප්‍රශ්න අහල අමාරුවෙ දානව එහෙම නෙවෙයි. .

මොකක්ද YQL කියන්නෙ.

සාමාන්‍යයෙන් අන්තර්ජාල සේවාවක්(web service) එකක් සමඟ අපිට වැඩ කරන්න උනොත් ඒක කරන්න ඒ සේවාව හා සම්බන්ද API එක ඉගෙන ගන්න වෙනවා. මේක ටිකක් කල්ගතවෙන එපාකරපු වැඩක්. YQL කරන්නේ අපි දන්න web services ගොඩක් එක්ක අපිට හුරුපුරුදු sql query එකක් වගේ එකක් යොමු කලාම අපේ වැඩේ කරගන්න පුළුවන් තත්වයට පත්කරන එක.

උදාහරණයක්

ඉතිරියත් කියවන්න Yahoo! Query Language YQL ගැන හැඳින්වීමක්… (…)

සිංහල බ්ලොග්කරණයේ වසර දෙකක්.

Posted by පහන් on නොවැම්බර් 4, 2010 18 comments

දන්නෙම නැතිව මම බ්ලොග් ලියන්න පටන් අරගෙන දැන් අවුරුදු දෙකක් ගෙවිලා ගියා. තාම ලියලා තියෙන්නේ නම් බ්ලොග් පෝස්ට් 94ක් විතරයි. (මේ ලියන එකත් එක්ක.) අවුරුදු 2ක් පිරුනේ ඔක්තෝබර් 28 වෙනිදට උනත් වෙලාව නැති නිසා බ්ලොග් පෝස්ට් එකක් ලියන්න බැරි උනේ. හත්මාළුවෙ ඇප්රූව් කරන්න තියෙන බ්ලොග් ලිස්ට් එකත් සෑහෙන්න දිග වෙලා. බ්ලොග් එකක් ඇප්රූව් කරන්න වැඩි වෙලාවක් නොගියත් ගොඩක් බ්ලොග් ඇඩ්කරන අය හරියට බ්ලොග් එකේ feed ලිපිනය ලබාදෙන්නෙ නැහැ. feed කියන එක දන්නෙ නැති නිසා වෙන්න ඇතිනෙ වැරදියට දාන්නෙ ඒ නිසා ඒ වැඩෙත් හත්මාළුවෙ අපිම නිවැරදි කරලා දානවා. ඒ වැඩේ නම් ටිකක් වෙලාව යන වැඩක්. මේකට පිළියමක් මට වෙලාවක් ලැබුණු වෙලාවක සයිට් එකට ඇඩ් කරන්නයි හිතාඉන්නේ. ගිය අවුරුද්දෙ බ්ලොග් පෝස්ට් 63ක් ලියලා තිබුනට මේ අවුරුද්දේ ලියලා තියෙන්නේ 31ක් විතරයි. බ්ලොග් ලිවිල්ල විනෝදාංශය කරගන්නවට වැඩිය එක එක ගැජට් කෑලි හදන එක මගේ විනෝදාංශය වේගෙන එන නිසා වෙන්න ඇති. ආසාවෙන් පටන් ගත්තු python වැඩකුත් ඔන්න දැන් කොට උඩ. . යලට මහට පෝස්ට් එකක් දැම්මත් මගේ බ්ලොග් එක දැකලා බ්ලොග් ලියන්න පටන් අරගත්තු අය ඉන්නවා කියලා මම අහලා තියෙනවා. ඒ ගොඩක් අය මට වඩා හොඳට ලියනවත් එක්ක. .

ඉතිරියත් කියවන්න සිංහල බ්ලොග්කරණයේ වසර දෙකක්. (…)

Google Maps එක්ක පොඩි පොඩි වැඩ.

Posted by පහන් on ඔක්තෝබර් 16, 2010 8 comments

මාස දෙකකට පස්සෙ විතර තමයි ආයෙ බ්ලොග් පොස්ට් එකක් ලියන්න හිතුනේ. සති දෙකතුනක්ම ගෙදරට වෙලා හිටියත් බ්ලොග් එකට නං අත තියන්නවත් හිතුනෙ නෑ. අවුරුදු දෙකකට ආසන්න කාලයක් ආසාවෙන් කරගෙන ආපු බ්ලොග් ලිවිල්ල දැන් ටිකක් එපා වේගෙන එන්නෙ. මොනව උනත් බ්ලොග් කියවිල්ල නම් තාම එපා වෙලා නැහැ. විශේෂයෙන් මේ දවස්වල නැගලා යන One | Zero | Zero සහ තෙලාස්ට්‍රෝ ගොඩක් වෙලාවට කියවනවා.

හරි මාතෘකාවට බහිමු , google maps එක්ක වැඩ කරන්නෙ කොහොමද කියලා. අපේ බ්ලොග් පෝස්ට් එකකට / වෙබ් අඩවියක ස්තානයක් ගැන එහෙම විස්තර කරගන්න ඕන උනොත් google maps පාවිච්චි කරන්න පුළුවන්. මේකට google maps API කිහිපයක්ම තිබෙනවා අපේ අවශ්‍යතාවය අනුව එකක් තෝරාගන්න පුළුවනි. මේක image එකක් විදියට විතරක් දානවා නම් Google Static Maps API එකෙන් මේ විදියට ලේසියෙන්ම කරන්න පුළුවන්.

ඉතිරියත් කියවන්න Google Maps එක්ක පොඩි පොඩි වැඩ. (…)

Pahan's Diary| පහන්ගේ දින සටහන්