මාර්තු 3rd, 2010
සින්ඩියෙන් ඇඩ්මින්ලාට හිතුනු හිතුනු හැටියට බ්ලොග් දොට්ට දැමීම දැන් අමුතු දෙයක් නොවේ. එසේ අසධාරණව බ්ලොග් ඉවත්කර දැමීම පිළිබඳව කතා කිරීම සංසදය කඩාකප්පල් කරන්න හදන වලිකාරයෙකු, කුමන්ත්රණකරුවෙකු වීමට තරම් වරදකි. මඩ කමෙන්ට් වලින් පිළිතුරු දී ඇත්තේ එයිනුත් මර්ධනය කරගත නොහැකි තැනද?. මා ඇනෝනිමස් කමෙන්ට සඳහා කෙනෙකුට සෘජුව ඇඟිල්ල දිඟු නොකරමි. එක අතකින් ඒවා ගැන සෙවීමට යාම එක්තරා ආකාරයට ඒවා දැමූ උන් ලබන ජයග්රහණයකි. එහෙත් ඇඩ්මින්ලාට විරුද්ධව කෙනෙකු කතා කරන්නට පටන් ගත් පමනින් ඇනෝනිමස්ලා පැමිණ මඩ වරුසාවක් වස්සවා එසේ කතාකල පුද්ගලයින් මර්ධනය කිරීම සිදුවන්නේ ප්රාතිහාර්යකින් සිදුවනවා සේය. මෑත ඉතිහාසයේ පවා එවන් සිද්ධි නොඅඩුව දක්නට ලැබුනි. කුමන කඩතුරාවට මුවාවී කෑ ගැසුවද වෙනස් කල නොහැකි ඇඟිළි සළකුණ මෙන් ඔවුන්ගේ භාෂා විලාශද ඔවුන් පසු පස ඒම විශේෂත්වයකි.
මෙම සංසදය පාලනය වන්නේ සම්මත සිංහල භාෂාව අනුව ”සිංහල” යැයි නිවැරදිව ලියාගතවත් නොහැකි ඇඩ්මින් කෙනෙකු විසින් වූවද ඔහුම සිංහල භාෂාවේ පරිගණකමය සම්මතය ගැන ටියුෂන් දෙයි. ඔහුගේ email inbox ගැන කතා ඇසූ විට අපට මතක් වන්නේ කලකට පෙර විකාශය වූ “එතුමා” නාට්යයේ “ඇහුන් නෑ ” පාට් එකයි. අවාසියක් හෝ අකමැති දෙයක් නම් “එහෙම දෙයක් ලැබුණේ නෑ” යයි කියාද වාසියක් නම් “ලැබුණා ලැබුණා ” යනුවෙන් ප්රතිචාර කරයි. කවුරුවත් “අපි මේ කරන සේවයට උදව් කරන්න කැමතියි කියලා මේල් එකක්වත් එව්වාද?” කියා අසන්නේ දිව අගම “ලැබුණේ නෑ ” ප්රතිචාරය සූදානම් කරගෙනය.
මා සිංහල බ්ලොග්කරුවන්ගේ සංසදයෙන් ඉවත් වූ දින සිට සංසදයේ ඇඩ්මින්වරුන් අනේක වාරයක් බලපෑම් කලේ මගේ බ්ලොග් එක සින්ඩියෙන් ඉවත්කරගන්නා ලෙසය. මුලින් කල සංවාදයකින්දී ඔවුන්ගේම කටින් පිටවුණු “සංසදය හා සින්ඩිය කියන්නේ දෙකක් මිස එකක් නෙවෙයි” යන්න ඔවුන්ටම පාරාවලල්ලක් වී තිබිණ. අවසාන විකල්පය ලෙස ඔවුන්ට ඉතිරිවූයේ මඩ ගැසීමද?.
සින්ඩියේ ප්රධාන පිටුවෙන් දේශපාලන බ්ලොග් ඉවත්කිරීම සාධාරණි කරණය කලේ “චීයා අනේ, ඒගොල්ලො මඩ ගහගන්නවා. “ ලෙසය. එහෙත් ඔවුන් දිනපතා වන්දනාමාන කරන සින්ඩියේ නීතිවල ඇත්තේ “පුද්ගලයින්ට මඩ/අපහස හෝ තර්ජන කරන අඩවි ඇතුළත් නොකෙරේ.” ලෙසය. එසේ නම් එම බ්ලොග් සින්ඩියෙන් ඉවත් නොකලේ ඇයි?
පසුගිය මැතිවරණයේදී මඩ ප්රචාර, බොරු ප්රචාර සදහා සමහර බ්ලොග් ලියන්නන් සින්ඩිය පාවිච්චි කිරීම කණගාටුවට කරුණක්. මෙවැනි දේ නිසා සින්ඩියේ පැවැත්මට පවා බලපෑම් ඇතිවන්න පුලුවන්.
උපුටාගැනීම
එසේ නම් සින්ඩියෙන් දේශපාලන බ්ලොග් සැඟවූයේ එම බලපෑම් නැති කරගැනීමටද?. රටකරවන්නවුන්ට “අනේ අපි නං හොඳ ළමයි. ඔය දේශපාලනේ වගේ නරක වැඩ වලට අපි නං නෑ.” පණිවුඩය ලබාදීමටද? එය එසේ නම් සංසදයේ “බ්ලොග්කරුවන්ගේ සංසදය අදහස් ප්රකාශකිරීමේ අයිතිය සුරකියි.” කරුණ තවදුරටත් වලංගු වන්නේ නැත.
තවදුරටත්,
සිංහල බ්ලොග්කරණයට අදාල ආධාර උපකාර (තාක්ෂණික, භාෂාමය, අන්තර්ගත) හුවමාරු කර ගැනීම, සිංහල බ්ලොග්කරුවන්ගේ සමාජයීය භූමිකාව, අයිතීන්, වගකීම් කෙරෙහි අවධානය යොමු කරමින් ඒ සම්බන්ධව පුලුල් කතිකාවතක් ගොඩනැංවීම සහ සිංහල බ්ලොග්කරුවන් සඳහා විවිධ සේවා නොමිලයේ සැපයීම යන කරුණු අපගේ මුලික අරමුණු වේ.
උපුටා ගැනීම
වැනි වැල්වටාරම් වෙනුවට බ්ලොග්කරුවාගේ ඒකම අරමුණ වන්නේ සිංහල යුනිකෝඩ් ප්රමෝට් කිරීම යනුවෙන් යොදන්නේ නම් මේ පිළිබඳ සංවාද කිරීමට තවදුරටත් කාලය වෙන් කිරීම අවශ්ය නොවනු ඇත. එවිට තවදුරටත් බ්ලොග්කරුවන්ට හොඳ ළමයින් , තොත්ත බබාලා විය හැකිය.
නවක සාමාජිකයන් ගැනද යමක් කිව යුතුව ඇත. මෙච්චර සේවයක් අතින් වියදම් කරගෙන කරන අයට දොස් කීම වැරදියි කියා ඔවුන් කියනු ඇත. එහෙත් හොස්ටින් දෙන්න ආ පුද්ගලයා පස්සා දොරෙන් ඩොමේනයද හොරකම් කර අවුරුද්දකට වරක් ඇඩ්මින්ලා මාරුවෙන ක්රමය අත්හිටුවා ඇඩ්මින් කමට යාළුමිත්රාදීන් හා තමුන්ට එරෙහිව කතා නොකරන අය පත්කරගැනීම තිත්ත වූ ඇත්තයි. සින්ඩියට ඇතුල් කරගැනීමට දින 14 පෝලිමේ ඉන්නා ඔවුහු පළමුවැනි පොස්ටය ලියන්නේ ඇඩ්මින්ලාට ඇස්ටි ඇලෙන්න බටර් පාරක් ගෑමෙනි. එසේ සිතනුයේ ඒ ආකරයෙන් නොලිව්වා නම් බ්ලොග් අඩවියේ ගැටළුවක් ඔවුන්ට සිදුවන්නේ නැවත දින 14 පෝලිමේ සිටීමටය යන හැඟිම ඇතුලු වී ඇති නිසා විය හැකිය.
යුනිකෝඩ් හා බ්ලොග්කරණය ප්රවර්ධනය අරමුණු කරගෙන රාජකීය විද්යාලයීය සිංහල භාෂා හා සාහිත්යය ඒකකය විසින් පැවැත්වූ බ්ලොග්කරණ තරගාවලියේ හොඳම බ්ලොග් අඩවියට නිර්දේශ වූ බ්ලොග් අඩවියක් වූ නිකමට වගේ බ්ලොග් අඩවිය යුනිකෝඩ් භාවිතා නොකරනවා යයි පවසමින් ඉවත්කලා නම් ඇඩ්මින්ලාට බනිනවා යයි කියමින් බ්ලොග් එකක් ඉවත් කිරීම ටොයිස් වැඩකි. අතන මෙතැන කමෙන්ට් නොදමා මාව සින්ඩියෙන් ඉවත්කිරීමට අවශ්ය නම් ඉවත්කර දමන්න.
මේ හා සම්බන්ද වෙනත් ලිපි.
ප්රවර්ග: බ්ලොග් ලිවීම, සිංහල, සිංහල බ්ලොග් කියවනය
ටැග:SBU, sinhala bloggers union, යුනිකෝඩ්, සිංහල බ්ලොග්කරුවන්ගේ සංසදය, සින්ඩිය
පෙබරවාරි 11th, 2010
google chrome කියන්නෙ කෙටිකාලෙකින්ම ඉහල ජනප්රියතාවයක් ලබාගත්ත browser එකක්. සිම්පල් නිසා, රැම් භාවිතය අඩු නිසා, එක ටැබ් එකක් හිර උනොත් මුළු browser එකම crash නොවෙන යන ඒවා එහෙම වෙන්න හේතු වෙන්න ඇති. ගොඩක් browser වල window එකෙන් වැඩිහරියක් අහුරගෙන ඉන්නේ menu bar, tool bar සහ title bar ආදිය. google chrome වල හැකි උපරිම පරිදි මේවා අඩුකරලා browsing area එක වැඩි කරන්න උත්සහ අරන් තියෙනවා. ඒක නිසාම google chrome extesion developersලාට address bar එකේ සහ එයට සමාන්තරවම ඇති toolbar එකේ ඇති icons හැරුනු විට වෙනස් තැන් වල අනං මනං ගැජට් එකතු කිරීමට ඉඩදෙන්න google කට්ටිය වැඩි උනන්දුවක් නැහැ. chrome වල වැඩිය කට්ටිය වැඩිය අවධානය යොමු කරන්නේ නෑ කියලා හිතෙන features ටිකක් දැන් ලියන්නම්. (තවත්…)
ප්රවර්ග: Tips, chrome
ටැග:censitip, chrome, CReader, ensitip, qschrome, qsFOX
පෙබරවාරි 10th, 2010
googleලා අලුතෙන් buzz කියල මොකක්ද හුටප්පරයක් පටන් අරගෙන. අද කට්ටිය tweet කරනවා හෝ ගාලා. දැන් ඉන්න හැමෝම කියනවා මට buzz තියෙනවා මට buzz තියෙනවා කිය කිය tweet කරනවා. හැමෝටම buzz හම්බ උනත් මට විතරක් නෑ. ඒක හරි වැඩක්නෙ මොකෝ මේ. http://www.google.com/buzz ගියාම කියනවා “We’re still rolling out Buzz to everyone, so if you don’t see it in your Gmail account yet, check back soon.” කියලා. මාත් අතෑරියේ නෑ ඕං. රැයක් දවාලක් නැතුව google chrome ප්රමෝට් කරන මට මොකෝ google කාරයා ගනං උස්සන්නෙ කියලා බැලුවා. 
. නිකමට වගේ google labs කෑලි ටික disable කරලා බැලුවා. මෙන්න වැඩ. මොකක්ද එකක් ආවා කියෙව්වෙවත් නෑ “හා මම කැමතියි ” කියලා click කලා.
buzz කියන්නේ google wave වගේ එකක් කියලයි මට හිතෙන්නේ තාම පාවිච්චි කරන්න පටන්ගත්තා විතරනෙ. ඒ අස්සේ කට්ටියක් ඉන්බොක්ස් එක ගොඩ වෙනවා කියලා කෑගහනවා. මේකත් google wave වගේ ආසාවට invitation පොරකාගෙන ගෙන්නගෙන අතෑරලා දාන එකක්ද මන්දා. බලමුකෝ. මොකද වෙන්නෙ කියලා . 
ඔන්න ඔහොමයි උනේ.
ප්රවර්ග: chrome, google buzz, වල් පල්
ටැග:chrome, gmail, google buzz
පෙබරවාරි 6th, 2010
කම්පියුටර්…..
ඉන්පුට් එකකට එකම අවුට්පුට් එක
මිනිස්සු…..
එකම ඉන්පුට් එකට වෙනස් වෙනස් අවුට්පුට්.
කම්පියුටර් එකක් ඇඟට ඔබ්බවගත්තු මිනිහා….
හැම මිනිහාම ඉන්පුට් එකකට එකම අවුට්පුට් …
(කව්දෝ එහෙමයි ප්රෝග්රෑම් කරලා තියෙන්නෙ. )
ප්රවර්ග: වල් පල්
ජනවාරි 26th, 2010
ensitip ගැන නොදන්න කෙනෙක් නැතුව ඇති. firefox වල browse කරන කොට අමාරු වචනයක් ආවාම උදව්වට එන්නේ මෙයා තමයි. මම දැන් firefox භාවිතේ ටික ටික අඩු කරලා google chrome තමයි ගොඩක්ම පාවිච්චි කරන්නේ. ensitip නැති එක නං ලොකු අඩුපාඩුවක් කියලා දැනුනා. ඉතිං, මම පටන් ගත්තා censitip develop කරන්න. මුල ඉඳන්ම චමිල මේ වැඩේ ගැන දැනං හිටියා. තනියම කරන්නෙ නැතුව චමිලට දුන්නා database handle කරන්න. ensitip කියන්නෙ GPL බලපත්රය යටතේ තිබෙන එකක් නිසා ඒකෙ database එකම censitip වලට භාවිතා කලා. ඔය database එක ගන්න හැටි පෙන්නල දුන්නෙ රවින්ද මල්ලි. (deb file එකක් editor එකකින් open කරන්න විතරයි තිබුනේ.ඒත් අපිට ඒක මතක් උනේ නෑනෙ දෙයියනේ ). කොහොම උනත් චමිලට මට වඩා විභාගෙ subjects වැඩි නිසා මේ වැඩේ ටික ටික කල්ගියා. ඉතිං ආයෙ ඡන්දෙට නිවාඩු ලැබුණු දවසක් දෙකක් අල්ලලා මමම වැඩේට අතගැහුවා. database වැඩේ හිතුවට වැඩිය සෑහෙන්න අමාරු උනා. 
. කොහොම හරි වැඩේ ඉවරකලා කියමුකෝ. වචනයක් double click කලාම තමයි censitip වැඩ කරන්න පටන්ගන්නෙ. ඒ popup එකක් විදියට පෙන්නාවි(තිරපිටපත බලන්න)
මෙතැනින් බාගත කරගන්න(download). කිලෝබයිට් 7ක් විතරයි වැයවෙන්නේ. censitip extension එකට කැමති නම් rating එකක් add කරන්නත් අමතක නරන්න එපා
වැදගත්: censitip භාවිතා කරනවිට ඔබ අන්තර්ජාලයට සම්බන්ද වී සිටිය යුතුයි. ඉදිරි versions මඟින් මේ සීමාව ඉවත් කරන්න උත්සහ කරන්නම්.
ප්රවර්ග: chrome, unicode, මෘදුකාංග
ටැග:censitip, chrome, dictionary, ensitip, google, sinhala software, unicode
ජනවාරි 9th, 2010
විභාග අස්සෙ උනත් මොකද තවත් අයිඩියාවක් ආවා. Firefox භාවිතය අතැරලා දැම්මා. Ram එක කන නිසා. දැන් google chrome වල තමා වැඩ කරන්නේ. හැමතිස්සෙම සිංහල බ්ලොග් කියවනයට යන එක මට මහ කරදරයක්. ඒ නිසා මම හිතුවා chrome extension එකක් හදලා මේ වැඩේ පහසු කරගන්න. මේක පළවෙනි version එක ඒ නිසා beta version එකක් කියලා හිතාගන්නකෝ. මේක ඉදිරියට තවත් දියුණු කරන්න ඔබේ අදහස් බලාපොරොත්තු වෙනවා.
වැඩිය ලියන්න වෙලාවක් නෑ විභාගෙ ළඟයි. මෙන්න CReader වල screenshot එකක්.
මෙතැනින් CReader download කරගන්න. (40KB විතරයි වැයවෙන්නේ.)
වැදගත්: “The feed providing these headlines is not available.” කියලා Error එකක් එනවා නම් ඒක බ්ලොග් කියවනයේ feed එකේ වරදක් මිස CReader හි වරදක් නොවේ. සිංහල බ්ලොග් කියවනයේ feed validate කිරීමෙන් මෙය තහවුරු කරගත හැකියි.
ප්රවර්ග: chrome, google, සිංහල බ්ලොග් කියවනය
ටැග:chrome, CReader, sinhala blog Reader, බ්ලොග්කරණය, සිංහල බ්ලොග් කියවනය
ජනවාරි 3rd, 2010
දැන් දැන් වැඩි වැඩියෙන් සිංහල මෘදුකාංග(software ) සහ ප්ලගීන(plugins)බිහිවෙන්න පටන් අරගෙන. ඒත් අපි සමහර වෙලාවට දන්නෙවත් නෑ මෙහෙම එකක් තියෙනවා කියල. නැත්තම් software එකක් තියෙනවා කියලා දන්නවා ඒත් බාගත කරගන්න (download) යන්න ඕන කොතැනටද කියලා අපි දන්නෙ නෑ. . මේ ගැටලුවට පිළියමක් විදියටයි sinhalasoftware.com ආරම්භවෙන්නේ.
සිංහල මෘදුකාංග ගැන දැනුවත් කරන්න, අවශ්ය නම් අපට හැකි අයුරින් මෘදුකාංග නිර්මාණකරුවන්ට උදව් ලබාදෙන්න අරමුණු සමග අමිල ප්රසාද් සොයුරා පටන් ගත්ත වෙබ් අඩවියක් මේක. මේ අදහස ඔහුගෙ හිතේ කාලයක් තිබිල තියෙන බව කතාවෙන් තේරුනා. මම මෙතැනට සෙට් උනේ මගේ හිතෙත් එහෙම අයිඩියාවක් තිබිල මගේ යාලුවො දෙතුන්දෙනෙකුට කියලයි තිබුනෙ මෙහෙම එකක් කරන්න ඕන ඒත් සල්ලියි වෙලාවයි නෑ කියල. ඉතිං මගේ ඒ උනන්දුව දන්න චමිලගෙ මාර්ගයෙන් මම අමිලව අඳුරගත්තා. තාම අමිලව අඳුරගෙන සතියක් වත් නැහැ. . අමිල ඉන්නෙ ඉතාලියෙ. ඒත් අපිදෙන්නාම පොදු අරමුණක් සඳහා වැඩකරන නිසා මේ එකක්වත් ප්රශ්ණ නෙවෙයි.
වැඩේ වෙන්නෙ මෙහෙමයි. ඕන කෙනෙකුට sinhalasoftware.com වල තමන්ගෙ මෘදුකාංගය ගැන විස්තරයක් ලියල දාන්න පුළුවං. අවශ්ය නම් හොස්ටින් ලබාදෙනවා. නැත්තම් ලින්ක් එකක් දාන්න. කිසි ප්රශ්නයක් නැහැ. software එකේ home page එකටත් ලින්ක් එකක් දාන්න අපි ඉඩ ලබාදෙනවා. මෙහෙම මෘදුකාංගයක් තියෙනවා කියල දැනුවත් කරන්නයි අපිට ඕන. තාම වැඩේ පටන් ගත්තා විතරයි. තාම සයිට් එකත් under construction කිව්වට වැරැද්දක් නැහැ. දැනට මෘදුකාංග කිහිපයක් එකතු කරල තියෙන්නෙ. ඉදිරියේදී මේ ගණන වැඩි කරගන්න මේක කියවන ඔබේත් දායකත්වය ලබාදෙන්න කියලා ඉල්ලා සිටිනවා.(පොඩිම පොඩි මෘදුකාංගයක් උනත් කමක් නෑ එකතු කරන්න)
ඔබේ මෘදුකාංගය ගැනත් sinhalasoftware.com ට එකතු කිරීම ඔබටම කරන්න පුළුවන්. register වී. add DL ක්ලික් කිරීමෙන් මෙය කලහැකියි.
ප්රවර්ග: sinhalasoftware.com, මෘදුකාංග, සිංහල
ටැග:sinhala software, sinhalasoftware.com, සිංහල මෘදුකාංග
දෙසැම්බර් 30th, 2009
ප්රවර්ග: Uncategorized
ටැග:blogging, sinhala, බ්ලොග්කරණය
දෙසැම්බර් 29th, 2009
qsFOX ගැන හැමෝම දන්නවනේ. qsFOX තිබුනෙ firefox සඳහා විතරයි. මේක Google Chrome වලට version එකක් හදන්න කියලා ගොඩක් අයගෙන් ඉල්ලීම් ලැබුනා. ඒ ඉල්ලීම පිළිඅරගෙන දැන් ඔන්න qsChrome වැඩ පටන් අරන්තියෙන්නෙ. තාම qsFOX තරම් නම් දියුණු නෑ වැඩ පටන් ගත්තා විතරනේ. මේකෙ Developing කලේ මම. ආරම්භයේදී ඉසුරු ගොඩක් උදව්කලා(අත්දැකීම් බහුල ක්රීඩකයෙක් නෙව ). conwitter chrome extension එක හදපු සඳරුවන්ගෙ උදවුත් අමතක නොකර බැහැ.
qsChrome අපේ software Localization Group Project එකේ කොටසක් විදියට එළිදක්වන්නයි හිතාගෙන ඉන්නෙ. කණ්ඩායමේ අනික් සාමාජිකයොත් අලුත් අලුත් වැඩ ටිකක් කරගෙන යනවා. (ඒ ගැන පස්සෙ කියන්නම්.).
ආරම්භක පියවර විදියට මම singlish keyboard එක (එසැනින් පරිවර්ථකයේ ආකාරය) implement කලා. ඉදිරියේදි විජේසේකර යතුරු පුවරුවත් unicode install වෙන කොටසත් එකතු කරන්න බලාපොරොත්තු වෙනවා. අඩුපාඩු ගොඩක් ඇති. තාම වැඩ පටන්ගත්ත විතරයිනෙ. qschrome ඉදිරි දියුණුව සඳහා ඔබගේ වටිනා අදහසුත් බලාපොරොත්තු වෙනවා.
Chrome Extension වල වාසිය තමයි automatically Update වීම. browser Restart කරන්න ඕන නෑ. ඔන්න එහෙනම් 50Kb ක් විතරක් වැය කරලා qsChrome දාගන්න. වැඩේට තත්පර 10ක් යයි වැඩිම උනොත්. බාගත කරගන්න මෙතැන click කරන්න.
(තවත්…)
ප්රවර්ග: qschrome, unicode
ටැග:chrome, google, qschrome, qsFOX, sinhala, unicode, යුනිකේත, සිංහල
දෙසැම්බර් 23rd, 2009
සිංහල විකිපීඩියාවට තවම තිබෙන්නේ ලිපි 2500ක් පමණයි ඒත් ඉංග්රීසි විකිපීඩියාවට 3,100,000 ක් පමණ තියෙනවා. විකිපීඩියාව කියන්නේ ලොව වැඩිම ගණනක් පිවිසෙන වෙබ් අඩවියක්. ඔය සිංහල 2500 අතරේ බාගෙට ලියපුවත් තියෙනවා. ඒ අයට දොස් කියනවා නෙවෙයි ඒත් විකිපීඩියාවෙ සිංහල අන්තර්ගතයට මීට වඩා දෙයක් අපිට කල හැකි බවයි මගේ විශ්වාසය. විශේෂයෙන්ම බ්ලොග්කරුවන්ට සිංහලෙන් ටයිප් කිරීම වගේ දේවල් අලුත් දේවල් නොවෙන නිසා විකියට දායක වෙන්න එච්චර අමාරු නැහැ. මම මේ බණ කිව්වට මමත් මුලින්ම විකිපීඩියාවට දායක උනේ ගිය මාසෙ. ඒත් දැන් දිගටම පුළු පුළුවන් විදියට මොනව හරි ලියන්න අදහස් කරනවා. මුලින්ම විකිපීඩියාවට මුලින්ම ලියපු ලිපිය මෙතැන තියෙනවා. වැරදි නම් අනන්තවත් ඇති. දන්න අය ඉන්නවා නම් ඒ වැරදි හදන්න කියලත් ඉල්ලා සිටිනවා.
පුධාන වශයෙන් ලියන විදියෙ වෙනස් කම් තියෙනවා. බ්ලොග් එක තමන්ගෙ අඩවිය, තමන්ට හිතුනු දෙයක් ලියන්න පුළුවන්. ඒත් විකියෙදී ඊට වඩා වගකීමෙන් කටයුතු කල යුතු වෙනවා. විකිපීඩියාවෙ සම්මත නීති රීති වලට අනුකූලව ලිවිය යුතුවෙනවා. වචන භාවිතයේදී වචන මාලාවකට(glossary) එකකට අනුකූලව ලියන්න පුළුවන් නම් හොඳයි. මේක එක වචන මාලාවක්.
හැමෝම පුළු පුළුවන් විදියට දායක උනොත් මේ ලිපි ගණන වැඩි කරගන්න පුළුවනි.
කොතැනින්ද අපි පටන්ගන්නේ?
(තවත්…)
ප්රවර්ග: විකිපීඩියා, සිංහල
ටැග:wikipedia, විකිපීඩියා, සිංහල
