දන්නෙම නැතිව මම බ්ලොග් ලියන්න පටන් අරගෙන දැන් අවුරුදු දෙකක් ගෙවිලා ගියා. තාම ලියලා තියෙන්නේ නම් බ්ලොග් පෝස්ට් 94ක් විතරයි. (මේ ලියන එකත් එක්ක.) අවුරුදු 2ක් පිරුනේ ඔක්තෝබර් 28 වෙනිදට උනත් වෙලාව නැති නිසා බ්ලොග් පෝස්ට් එකක් ලියන්න බැරි උනේ. හත්මාළුවෙ ඇප්රූව් කරන්න තියෙන බ්ලොග් ලිස්ට් එකත් සෑහෙන්න දිග වෙලා. බ්ලොග් එකක් ඇප්රූව් කරන්න වැඩි වෙලාවක් නොගියත් ගොඩක් බ්ලොග් ඇඩ්කරන අය හරියට බ්ලොග් එකේ feed ලිපිනය ලබාදෙන්නෙ නැහැ. feed කියන එක දන්නෙ නැති නිසා වෙන්න ඇතිනෙ වැරදියට දාන්නෙ ඒ නිසා ඒ වැඩෙත් හත්මාළුවෙ අපිම නිවැරදි කරලා දානවා. ඒ වැඩේ නම් ටිකක් වෙලාව යන වැඩක්. මේකට පිළියමක් මට වෙලාවක් ලැබුණු වෙලාවක සයිට් එකට ඇඩ් කරන්නයි හිතාඉන්නේ. ගිය අවුරුද්දෙ බ්ලොග් පෝස්ට් 63ක් ලියලා තිබුනට මේ අවුරුද්දේ ලියලා තියෙන්නේ 31ක් විතරයි. බ්ලොග් ලිවිල්ල විනෝදාංශය කරගන්නවට වැඩිය එක එක ගැජට් කෑලි හදන එක මගේ විනෝදාංශය වේගෙන එන නිසා වෙන්න ඇති. ආසාවෙන් පටන් ගත්තු python වැඩකුත් ඔන්න දැන් කොට උඩ. 
. යලට මහට පෝස්ට් එකක් දැම්මත් මගේ බ්ලොග් එක දැකලා බ්ලොග් ලියන්න පටන් අරගත්තු අය ඉන්නවා කියලා මම අහලා තියෙනවා. ඒ ගොඩක් අය මට වඩා හොඳට ලියනවත් එක්ක. 
.
Category Archives: බ්ලොග් ලිවීම
සිංහල බ්ලොග්කරණයේ වසර දෙකක්.
සින්ඩි කුමන්ත්රණ විහිළුව
මේක අනූෂ නදුන් හෙවත් (අනුරාධපුරසෝන් ) මට forward කරපු ඊමේල් එකකට පිළිතුරක්.
From: tharindu thushara <tharinduthushara@gmail.com>
Date: 2010/6/13
Subject: නදුන් හිතන්නේ ඔක්කොම සින්ඩි කාරයෝ එකිනෙකා අතර තරහක් තියෙනව කියලද?.එහෙනම් මේක කියවන්න
To: nadun.ranaweera@gmail.com
සින්ඩි අතරින් පලමු තැන තිබ්බේ සිංහල බ්ලොග්කරුවන්ගේ සින්ඩිය.දෙවනි තැනට තිබ්බේ කොත්තු සින්ඩිය.කාලිංගට ඕන උනේ,කොත්තු වලට තිබ්බ දෙවනි ස්ථානය නැති කරල ඔහුට හිතවත් කෙනෙක්ගේ සින්ඩියක් දෙවන තැනට දාන්න.ඒ සදහා යෙදූ උප්පරවැට්ටියට ඔයත් නොදැනුවත්වම හරි සම්මාදන් උනා.
ඔයා හිතනවද දේෂපාලන ලිපි මුල්පිටුවෙන් අයින් කරන්න තරම් කාලිංග මෝඩවෙයි කියල.ඔවුන් එසේ කලේ බොරු ගට්ටනයක් ඇති කරල.වැප්ට අලුත් සින්ඩියක් හදා ගන්න උදවු කරන්න.ඒ කාලේ බොරුවට ඔවුන් අතර ගට්ටනක් තියෙන බව පෙන්නල ලාංකීය සින්ඩිය famous උනා.ඒ සදහා ඔය ගොල්ලන්වත් යොදා ගත්තා.
කාලිංග මුල් පිටුවෙන් දේශපාලන ලිපි අයින් කලේ දේශපාලනේට තියෙන බය නිසා. (මෙහෙම කිව්වෙ ඇයි කියල දැනගන්න ඕන නම් මේක බලන්න)වැප්ට සින්ඩියක් හදන්න උදව්කලාද නැද්ද කියලා කියන්න නම් මම දන්නෙ නෑ.
බබාලාගේ සින්ඩියට ස්තුතියි….
සිංහල බ්ලොග් කරුවන්ගේ සංසදය(බූදලය? ) විවේචනය කිරීමේ මහා පාපකර්මය හේතුකොට ගෙන සින්ඩියට කින්ඩියක් දැමූ දිනයේ සිට මාගේ බ්ලොග් අඩවිය සිංහල බ්ලොග් කියවනයේ දිස්වන්නේ නැත.
ඇතැමුන් මෙය තාක්ෂණික දෝශයකැයි සිතා තමුන් තමුන්වම රවටා ගන්නට උත්සහ කරති. එසේ නම් අවුරුද්දක් තිස්සේ නොතිබූ අරුම පුදුම තාක්ෂනික ගැටලුවක් සිංහල බ්ලොග් කියවනය විවේචනයෙන් මතුවී ඇත. මේ හා සමාන තාක්ෂණයන් භාවිතාකරන (wordpress හා feed wordpress ප්ලගීනය ) වෙනත් බ්ලොග් සින්ඩිකේටර වල මගේ බ්ලොග්අඩවිය දෝශ රහිතව පෙන්වීම ඔවුනට පිළිතුරක් යැයි සිතමි.
තවදුරටත් මම අලුත් බ්ලොග් පෝස්ට් එකක් ලියූවිට recently updated යටතේ මගේ බ්ලොග් අඩවිය දිස්වීම වැලැක්විය හැකිනම් වැඩේ අතේ පත්තු නොවන ලෙසට ගෙන යාහැකි බව මගේ විශ්වාසයයි. ( තිර පිටපත ) මෙම සිංහල බ්ලොග් සංසදය විවේචනයෙන් අරුම පුදුම තාක්ෂණික දෝශ උරුම වූ එකම බ්ලොග්කරුවා මම නොවන වගද ආරංචි විය. 
අවසාන වශයෙන්,
අතන මෙතැන කමෙන්ට් නොදමා මාව සින්ඩියෙන් ඉවත්කිරීමට අවශ්ය නම් ඉවත්කර දමන්න.
යන ඉල්ලීම පිළිගෙන අතන මෙතැන කමෙන්ට් දැමීම නවතා මගේ බ්ලොග් අඩවිය සිංහල බ්ලොග් කියවනයෙන් ඉවත් කිරීම පිළිබඳ මාගේ ස්තුතිය මෙයින් ප්රකාශ කරමි.
බබාලාගේ සින්ඩියට කින්ඩියක්
සින්ඩියෙන් ඇඩ්මින්ලාට හිතුනු හිතුනු හැටියට බ්ලොග් දොට්ට දැමීම දැන් අමුතු දෙයක් නොවේ. එසේ අසධාරණව බ්ලොග් ඉවත්කර දැමීම පිළිබඳව කතා කිරීම සංසදය කඩාකප්පල් කරන්න හදන වලිකාරයෙකු, කුමන්ත්රණකරුවෙකු වීමට තරම් වරදකි. මඩ කමෙන්ට් වලින් පිළිතුරු දී ඇත්තේ එයිනුත් මර්ධනය කරගත නොහැකි තැනද?. මා ඇනෝනිමස් කමෙන්ට සඳහා කෙනෙකුට සෘජුව ඇඟිල්ල දිඟු නොකරමි. එක අතකින් ඒවා ගැන සෙවීමට යාම එක්තරා ආකාරයට ඒවා දැමූ උන් ලබන ජයග්රහණයකි. එහෙත් ඇඩ්මින්ලාට විරුද්ධව කෙනෙකු කතා කරන්නට පටන් ගත් පමනින් ඇනෝනිමස්ලා පැමිණ මඩ වරුසාවක් වස්සවා එසේ කතාකල පුද්ගලයින් මර්ධනය කිරීම සිදුවන්නේ ප්රාතිහාර්යකින් සිදුවනවා සේය. මෑත ඉතිහාසයේ පවා එවන් සිද්ධි නොඅඩුව දක්නට ලැබුනි. කුමන කඩතුරාවට මුවාවී කෑ ගැසුවද වෙනස් කල නොහැකි ඇඟිළි සළකුණ මෙන් ඔවුන්ගේ භාෂා විලාශද ඔවුන් පසු පස ඒම විශේෂත්වයකි.
මෙම සංසදය පාලනය වන්නේ සම්මත සිංහල භාෂාව අනුව ”සිංහල” යැයි නිවැරදිව ලියාගතවත් නොහැකි ඇඩ්මින් කෙනෙකු විසින් වූවද ඔහුම සිංහල භාෂාවේ පරිගණකමය සම්මතය ගැන ටියුෂන් දෙයි. ඔහුගේ email inbox ගැන කතා ඇසූ විට අපට මතක් වන්නේ කලකට පෙර විකාශය වූ “එතුමා” නාට්යයේ “ඇහුන් නෑ ” පාට් එකයි. අවාසියක් හෝ අකමැති දෙයක් නම් “එහෙම දෙයක් ලැබුණේ නෑ” යයි කියාද වාසියක් නම් “ලැබුණා ලැබුණා ” යනුවෙන් ප්රතිචාර කරයි. කවුරුවත් “අපි මේ කරන සේවයට උදව් කරන්න කැමතියි කියලා මේල් එකක්වත් එව්වාද?” කියා අසන්නේ දිව අගම “ලැබුණේ නෑ ” ප්රතිචාරය සූදානම් කරගෙනය.
මා සිංහල බ්ලොග්කරුවන්ගේ සංසදයෙන් ඉවත් වූ දින සිට සංසදයේ ඇඩ්මින්වරුන් අනේක වාරයක් බලපෑම් කලේ මගේ බ්ලොග් එක සින්ඩියෙන් ඉවත්කරගන්නා ලෙසය. මුලින් කල සංවාදයකින්දී ඔවුන්ගේම කටින් පිටවුණු “සංසදය හා සින්ඩිය කියන්නේ දෙකක් මිස එකක් නෙවෙයි” යන්න ඔවුන්ටම පාරාවලල්ලක් වී තිබිණ. අවසාන විකල්පය ලෙස ඔවුන්ට ඉතිරිවූයේ මඩ ගැසීමද?.
සින්ඩියේ ප්රධාන පිටුවෙන් දේශපාලන බ්ලොග් ඉවත්කිරීම සාධාරණි කරණය කලේ “චීයා අනේ, ඒගොල්ලො මඩ ගහගන්නවා. “ ලෙසය. එහෙත් ඔවුන් දිනපතා වන්දනාමාන කරන සින්ඩියේ නීතිවල ඇත්තේ “පුද්ගලයින්ට මඩ/අපහස හෝ තර්ජන කරන අඩවි ඇතුළත් නොකෙරේ.” ලෙසය. එසේ නම් එම බ්ලොග් සින්ඩියෙන් ඉවත් නොකලේ ඇයි?
පසුගිය මැතිවරණයේදී මඩ ප්රචාර, බොරු ප්රචාර සදහා සමහර බ්ලොග් ලියන්නන් සින්ඩිය පාවිච්චි කිරීම කණගාටුවට කරුණක්. මෙවැනි දේ නිසා සින්ඩියේ පැවැත්මට පවා බලපෑම් ඇතිවන්න පුලුවන්.
එසේ නම් සින්ඩියෙන් දේශපාලන බ්ලොග් සැඟවූයේ එම බලපෑම් නැති කරගැනීමටද?. රටකරවන්නවුන්ට “අනේ අපි නං හොඳ ළමයි. ඔය දේශපාලනේ වගේ නරක වැඩ වලට අපි නං නෑ.” පණිවුඩය ලබාදීමටද? එය එසේ නම් සංසදයේ “බ්ලොග්කරුවන්ගේ සංසදය අදහස් ප්රකාශකිරීමේ අයිතිය සුරකියි.” කරුණ තවදුරටත් වලංගු වන්නේ නැත.
තවදුරටත්,
සිංහල බ්ලොග්කරණයට අදාල ආධාර උපකාර (තාක්ෂණික, භාෂාමය, අන්තර්ගත) හුවමාරු කර ගැනීම, සිංහල බ්ලොග්කරුවන්ගේ සමාජයීය භූමිකාව, අයිතීන්, වගකීම් කෙරෙහි අවධානය යොමු කරමින් ඒ සම්බන්ධව පුලුල් කතිකාවතක් ගොඩනැංවීම සහ සිංහල බ්ලොග්කරුවන් සඳහා විවිධ සේවා නොමිලයේ සැපයීම යන කරුණු අපගේ මුලික අරමුණු වේ.
වැනි වැල්වටාරම් වෙනුවට බ්ලොග්කරුවාගේ ඒකම අරමුණ වන්නේ සිංහල යුනිකෝඩ් ප්රමෝට් කිරීම යනුවෙන් යොදන්නේ නම් මේ පිළිබඳ සංවාද කිරීමට තවදුරටත් කාලය වෙන් කිරීම අවශ්ය නොවනු ඇත. එවිට තවදුරටත් බ්ලොග්කරුවන්ට හොඳ ළමයින් , තොත්ත බබාලා විය හැකිය.
නවක සාමාජිකයන් ගැනද යමක් කිව යුතුව ඇත. මෙච්චර සේවයක් අතින් වියදම් කරගෙන කරන අයට දොස් කීම වැරදියි කියා ඔවුන් කියනු ඇත. එහෙත් හොස්ටින් දෙන්න ආ පුද්ගලයා පස්සා දොරෙන් ඩොමේනයද හොරකම් කර අවුරුද්දකට වරක් ඇඩ්මින්ලා මාරුවෙන ක්රමය අත්හිටුවා ඇඩ්මින් කමට යාළුමිත්රාදීන් හා තමුන්ට එරෙහිව කතා නොකරන අය පත්කරගැනීම තිත්ත වූ ඇත්තයි. සින්ඩියට ඇතුල් කරගැනීමට දින 14 පෝලිමේ ඉන්නා ඔවුහු පළමුවැනි පොස්ටය ලියන්නේ ඇඩ්මින්ලාට ඇස්ටි ඇලෙන්න බටර් පාරක් ගෑමෙනි. එසේ සිතනුයේ ඒ ආකරයෙන් නොලිව්වා නම් බ්ලොග් අඩවියේ ගැටළුවක් ඔවුන්ට සිදුවන්නේ නැවත දින 14 පෝලිමේ සිටීමටය යන හැඟිම ඇතුලු වී ඇති නිසා විය හැකිය.
යුනිකෝඩ් හා බ්ලොග්කරණය ප්රවර්ධනය අරමුණු කරගෙන රාජකීය විද්යාලයීය සිංහල භාෂා හා සාහිත්යය ඒකකය විසින් පැවැත්වූ බ්ලොග්කරණ තරගාවලියේ හොඳම බ්ලොග් අඩවියට නිර්දේශ වූ බ්ලොග් අඩවියක් වූ නිකමට වගේ බ්ලොග් අඩවිය යුනිකෝඩ් භාවිතා නොකරනවා යයි පවසමින් ඉවත්කලා නම් ඇඩ්මින්ලාට බනිනවා යයි කියමින් බ්ලොග් එකක් ඉවත් කිරීම ටොයිස් වැඩකි. අතන මෙතැන කමෙන්ට් නොදමා මාව සින්ඩියෙන් ඉවත්කිරීමට අවශ්ය නම් ඉවත්කර දමන්න.
මේ හා සම්බන්ද වෙනත් ලිපි.
- සිංහල බ්ලොග්කරණය කොයිබටද?
- Apolitical bloggers of my sweet country | මාගේ සුන්දර දේශයේ අදේශපාලනික බ්ලොග් ලියන්නනි
- ප්රයිවෙට් බස් කොන්දොස්තරවරු සහ සින්හල බ්ලොග් කියවනය….
- මුල් පිටුවෙන් දේශපාලන ලිපි විසිවීම – 1
- මුල් පිටුවෙන් දේශපාලන ලිපි විසිවීම – 2
- වැඩිහිටි තොත්ත බබාලා හෙවත් අදේශපාලනික ගන්ධබ්බයින්
- හිට්ස් වලට ලෝභ වූවන්ගේ විරක්රියාව නොහොත් දේශපාලන ලිපි පිටුවහල් කිරීම.
- දේශපාලනික බ්ලොග්පිටු වෙනම පිටුවක් වෙත ඇතුලත් කිරීමට විරෝධය
ඔක්තෝබර් 28වෙනිදාට “Pahan’s Diary| පහන්ගේ දින සටහන්” ට අවුරුද්දකි.
image credit:http://www.area-56.de
මුලින්ම මම කඩ්ඩෙන් පොඩියට බ්ලොග් එකක් ලියාගෙන ගියාට ඒවා මෙච්චර කට්ට කාගෙන ලියපුවා නෙවෙයි. ඒ නිසා මම සිරාවටම බ්ලොග්කරණය පටන්ගත්ත දවස 2008 ඔක්තෝබර් 28 කිව්වට වැරැද්දක් නෑ. එදා ඉඳල අදවෙන කල් මේ බ්ලොග් පෝස්ට් එකත් ඇතුළුව බ්ලොග් පෝස්ට් 63ක් ලියලා තියෙනවා. හොඳ ප්රතිචාරම විතරක් නෙවෙයි හොඳ මඩ පාරවල් ටිකකුත් කන්න ලැබුනා. .
elakiri.com ප්රසිද්ධ කරවා ගැනීමට අනුන්ගේ බ්ලොග් කොපි කිරීම(2 කොටස)
කලින් පොස්ට් එකකින් elakiri.com ගැන කතාකලා කාටත් මතක ඇතිනේ. ඒකෙන් පස්සෙ elakiri සමහරු බ්ලොග්කරණයේ රස දැනිලා බ්ලොග් ලියන්නත් පටන් ගත්තා. . elakiri admin ගේ කඩේ මල්ලිලා ටික එකම දේ ආයෙ ආයෙ කියව කියව ඉන්නවට වැඩිය වෙන මුකුත්ම කියාගන්න බැරිඋනානේ. 
.
elakiri යේ එළකිරි ප්රවණතාවය
කලින් elakiri.com ගැන ලියපු පෝස්ට් එකට elakiri.com admin ගෙන් පිළිතුරක් නොලැබින. කෙසේ උවද එම පෝස්ට් එකෙන් “එළකිරි” වෙනස්කම් කිහිපයක් දැකගන්නට ලැබුණි. ඒ admin ගේ උද්දච්ච ක්රියාකලාපයේ නම් නොවේ. elakiri members ලාගේ ක්රියාකලාපයේය. දැන් දැන් පෝස්ට් එකක් කොපි කරන විට එය උපුටා ගත් ස්ථානය සඳහන් කිරීම හොඳ ප්රවණතාවයකි. [යොමුව](මං හිතන්නෙ ඉන්දරේටත් මේ ගැන කියන්න කතාවක් ඇති )
elakiri.com අපූරු පොලිසි පද්ධතිය
elakiri.com ප්රසිද්ධ කරවා ගැනීමට අනුන්ගේ බ්ලොග් කොපි කරනවා යැයි චෝදනා කලවිට elakiri admin කලේ කොපිකල මගේ පෝස්ට් එක ඉවත් කර දැමීමයි. මුලින් නිදහසට කරණු ලෙස ඉදිරිපත් කලේ මම හරියාකාරව elakiri policies අනුව ක්රියා නොකල නිසා එය ඉවත් නොකළ බවයි. පෝස්ට් එක ලියූ පසුව මම අමුතු දෙයක් සිදු නොකලද එය ඉවත් කර දමා ඇත. එතකොට elakiri admin කෝ අර policies ද මොනවද. . ඒව ඕන ඕන වෙලාවට වෙනස් කරගන්නව නේ. මාරයි බං. .
කොපි කල බව දැන දැනත් තවත් බ්ලොග් සටහන් කොපිකරන ලද threads elakiri.comහි ඇත. කෝ ඒවට නැද්ද අර policies. . හොටු පෙරාගෙන අඬනකොට මොන policies ද නේ බං?
කොපි කල අනිකුත් බ්ලොග් සටහන් ඉවත් නොකිරීමට තරම්ම ඔහු “සදාචාරවත්ය”. අසාධාරණයට කතාකලවුන්ට අතින් පයින් සංග්රහ කිරීමට තර්ජන කිරීමට තරම්ම ඔහු සහ ඔහුගේ සගයින් “අහිංසකය”. තමන්ගේ සයිට් එකට බැන්න පසු හොටු පෙරාගෙන අඬ අඬා “මේවා අහවල් සයිට් එකේ කුමන්ත්රණ” යැයි කීමට තරම්ම ඔහු “පරම පවිත්රය”. තමන්ගේ සයිට් එකට බනින එවුන්ගේ බ්ලොග් එකට එල්ල කරන්නේ මගේ බ්ලොග් එකට කලාවගේ කුනුහරුප වගුරවන බවට තර්ජන කිරීමට ඔහු සහ ඔහුගේ සගයින් “නිර්මලය”.
ඔන්න elakiri admin මේ ලින්ක් ටික නං ඔයා බලන්නම ඕන.
- google.lk (සිංහල) for elakiri admin
- yahoo search for elakiri admin
- google.lk (සිංහල) for elakiri
- yahoo search for elakiri.com toy song four
- google.lk search for elakiri block pass
elakiri.com blog වැඩකුත් පටන් අරගෙන කියල ආරංචියි. මේකත් බලන්න
(ඉහත ඇති සෙවුම් ප්රතිඵල මගේ බ්ලොග් එකට සෙනඟ එන හැටි පෙන්වන feedjit ඇසුරින් ලබාගත් ඒවා කිහිපයකි.)
පසුව ලියමි.
අවසන් නිගමනය.
elakiriයේ ඉදිරියටත් බ්ලොග් කොපි කිරීම සිදුවනු ඇති. adminට කුමන ආකාරයෙන් report කලද ඒ පිළිබඳව කිසිදු ක්රියාමාර්ගයක් නොගනු ඇත.
එසේ ක්රියාමාර්ග නොගැනීමට හේතුන් ලෙස adminට හරි බිසී වීම ලෙස ඉදිරිපත් කරනු ඇත. හරි ආකාරයෙන් report නොකලා යයි චෝදනා කරනු ඇත. ඒවාට විරුද්ධව කතා කරන්නන් ඌරන්ගේ මඩ ප්රහාරවලට ලක්වීමට සිදුවනු ඇත.
මේ කොපි කරන ලද බ්ලොග් සටහන් කිහිපයකි.
http://www.elakiri.com/forum/showthread.php?t=212450
කොපි කර ඇත්තේ මෙතැනිනි
http://madurax86.comuv.com/?p=67
http://www.elakiri.com/forum/archive/index.php/t-84589.html
කොපි කර ඇත්තේ මෙතැනිනි
http://www.sinhalabloggers.com/what-is-a-blog
http://www.elakiri.com/forum/showthread.php?t=96125
කොපිකර ඇත්තේ මෙතැනිනි.
http://asipatha.blogspot.com/2008/08/delon-rapper-with-mission-best.html
(මෙයට යුරාජ් මහතා,
Uraj Deemantha Reply:
July 1st, 2009 at 12:30 amමෙතන නම් බරපතල වැරැද්දක් සිදු වෙලා තියෙනවා…..!!
වැරැද්දක් කර, එය පිලිනොගැනීම, බොහොමත්ම ලැජ්ජා විය යුතු කාරණයක්…..!!
ලෙස පිළිතුරු ලබාදී තිබුනද එම thread එකද තවමත් එසේමය.
)
යුරාජ්ගේ බ්ලොග් එකේ කමෙන්ට් පළකිරීම නතරවී ඇත. ( පල්ලෙහා screen shot එක බැලුවාම යුරාජ් මහත්තයගෙ ඇත්ත තත්වය පෙනේවි. )
බ්ලොග් අඩවිය අලුත් නිවහනකට…
blogger වල තිබ්බ මගේ බ්ලොග් එක ඔන්න මගේම කියල තැනකට අරං ආවා. තාම සයිට් එකේ වැඩ නං ඉවර නෑ. wordpress පාරක් දාලා බ්ලොග් එක මෙතැනට අරං ආවා. blogger වලින් wordpress වලට සම්පූර්ණයෙන්ම බ්ලොග් එක ගෙනාවා. හිතට හරියන , ඉක්මනට load වෙන theme එකක් නම් හොයා ගන්න බැරි උනා.
.com වැඩේ සාර්ථක කරගන්න උදව් කල Maya Creations ආයතනයට හා දක්ෂිකට මගේ ස්තුතිය.
පරණ ලිපිනයට ගියත් මෙතැනටම යොමු කරනවා.
අලුත් blogger template එකක් දාගන්නේ කොහොමද?
මේක පාඨක ඉල්ලීමක් අනුව ලියැවෙන පෝස්ට් එකක්.
මුලින්ම අලුත් template එකක් තෝරාගන්න. මේ සඳහා google search එකක උදව් ගන්න එහෙමත් නැත්තම් http://btemplates.com/, http://www.bloggerstyles.com/ වගේ අඩවියක් වෙත යන්න. template එක තෝරා ගැනීමේදී පහත කරුනු පිළිබඳ සැලකිලිමත් වෙන්න.
Template එක ලස්සන විය යුතුයි. එහෙත් උවමනාවට වඩා images තිබෙන template තෝරාගන්න එපා. images අඩුවීම බ්ලොග් එක load වීමට ගතවන කාලය අඩුකරගැනීමට උදව්වේවි.
කියවීමට පහසු වර්ණ සංයෝජන සහිත විය යුතුය.
ඔබේ බ්ලොග් අඩවියේ අන්තර්ගතය සමඟ template එක ගැලපේදැයි සංසන්දනය කර බලන්න.
සිංහල සමඟින් Firefox portable නවතම සංස්කරණය
ඊයේ පොස්ට් එකෙන් admin බලය නැතිව වෙබ් ගවේශනය සඳහා යුනිකේත සමඟ Firefox portable ස්තාපනය කරගන්නා පහසු ක්රමයක් හඳුන්වා දුන්නා.(මේකේ අඩුපාඩු තියෙනවා කියලත් ආරංචි උනා.) මෙය ස්තාපනය තවත් පහසු කරනු සඳහා එය SFX එකක් වශයෙන් ඉදිරිපත් කරන්න මම හිතුවා. අඩුපාඩුත් නිවැරදි කලා. මෙහි සියලු ක්රියාවලියන් ඉබේම සිදුවෙනවා. අපිට තියෙන්නේ exe file එක double click කර අවශ්ය පරිදි ස්තාපනය වියයුතු ස්ථානයක් ලබාදීම පමණයි. readme කියව කියවවත් ඉන්න ඕන නෑ.(ඒ වුනාට කියවන්න හොඳේ 
) අවාසියකට තියෙන්නේ customize කරගන්න අමාරු එක. customize කරගන්න ක්රමයක් ඊළඟ පොස්ට් එකකින් කියලා දෙන්නම්. මෙතැනින් අලුත් version එක ගන්න.
test කිරීමෙන් හා නව අදහස් ලබාදීමෙන් සහයවූ බින්කු මල්ලිට මගේ ස්තුතිය.
දැන් සිංහල වෙබ් අවකාශයේ සැරිසරන්න ඇඩ්මින්ගේ ගනං බලන්න ඕනේ නෑ.
සිංහල යුනිකේත භාවිතාවේ පොඩි පොඩි ගැටළු තියෙනවනේ admin බලය නැතිව යුනිකේත දාගන්න බැරි එක වගේ දේවල්. කැෆේ එකකට වගේ ගියොත් මාරලෙඩක් සිංහල වෙබ් පිටු කියවන්න බෑ. 
ගොඩක් රැකියා ස්ථාන වලත් ඉතිං යුනිකේත දාලාදෙන්නේ නෑනේ admin.
මේ සඳහා විසඳුමක් දසුන් සමීර ටික කලකට කලින් හඳුන්වා දුන්නානේ. ඒත් ඒ ක්රමයේ ප්රායෝගික ගැටළුවක් වන font install කරගන්න ගැටළුවට පිළියමක් මගේ බ්ලොග් සටහනකින් පසුව හඳුන්වා දුන්නා. මේ ක්රමයේ තිබුනු තවත් ප්රායෝගික දුෂ්කරතාවයක් මඟහැරලා පරිගනක භාවිතයේ ආධුනිකයෙකුට උනත් ඉතා පහසුවෙන් භාවිතා කල හැකි අන්දමේ portable firefox එකක් මම නිර්මාණය කලා. බාගත කරගන්න මේ සබැඳිය වෙත යන්න.(to download sinhala unicode enabled firefox portable click here)
1. බාගත කල file එක extract කරගන්න.
extract the downloaded file
2. “click here to install Unicode” shortcut එක double click කරන්න.
Double Click on the shortcut named “Click here to install Unicode”.
3. දැන් ඔබට FirefoxPortable.exe double ක්ලික් කිරීමෙන් සිංහල වෙබ් අවකාශයට පිවිසිය හැකියි. 
now you can browse sinhala unicode web sites by double clicking FirefoxPortable.exe.
වැඩි විස්තර සඳහා read_me කියවන්න.
for more information read the read_me file
ඇඩ්මින්ගේ සංකීර්ණ ප්ලෑන්වලට හිරවෙලා ඉන්නේ මොකටද? මෙච්චර සිම්පල් ප්ලෑන් තියෙද්දි. 
තාම මේක වැඩිය test කරලා බලන්න බැරි උනා. යුනිකෝඩ් නැති machine එකක් හොයාගන්න හරි අමාරු නිසා. අන්තිමට මගේ ලැප් එකේ unicode අයින් කරලයි test කලේ. ඒනිසා මේක beta එකක් කියලා හිතාගන්නකෝ. 
ආරංචියේ හැටියට මේක windows xp sp1 පාවිච්චි කරන අයටත් භාවිතා කරන්න පුළුවන්ලු.(දසුන්ගේ බ්ලොග් එකේ කමෙන්ට් එකක දැක්කා.). ඔන්න මම කට්ටියට ලේසි වෙන්න සිංහල බ්ලොග් කියවනයයි එසැනින් පරිවර්තකයයි එකතු කලා පිටු සළකුණුවලට. එසැනින් පරිවර්තකය බාවිතා කරලා මොනව හරි සිංහලෙන් ලියාගන්න උනත් පුළුවන්නේ එතකොට.
[Update ]
