සිංහල විකිපීඩියාවට තවම තිබෙන්නේ ලිපි 2500ක් පමණයි ඒත් ඉංග්‍රීසි විකිපීඩියාවට 3,100,000 ක් පමණ තියෙනවා. ‍විකිපීඩියාව කියන්නේ ලොව වැඩිම ගණනක් පිවිසෙන වෙබ් අඩවියක්.  ඔය සිංහල 2500 අතරේ බාගෙට ලියපුවත් තියෙනවා. ඒ අයට දොස් කියනවා නෙවෙයි ඒත් විකිපීඩියාවෙ සිංහල අන්තර්ගතයට මීට වඩා දෙයක් අපිට කල හැකි බවයි ‍මගේ විශ්වාසය. විශේෂයෙන්ම බ්ලොග්කරුවන්ට සිංහලෙන් ටයිප් කිරීම වගේ දේවල් අලුත් දේවල් නොවෙන නිසා විකියට දායක වෙන්න එච්චර අමාරු නැහැ. මම මේ බණ කිව්වට මමත් මුලින්ම විකිපීඩියාවට දායක උනේ ගිය මාසෙ. ඒත් දැන් දිගටම පුළු පුළුවන් විදියට මොනව හරි ලියන්න අදහස් කරනවා. මුලින්ම විකිපීඩියාවට මුලින්ම ලියපු ලිපිය මෙතැන තියෙනවා. වැරදි නම් අනන්තවත් ඇති. දන්න අය ඉන්නවා නම් ‍ඒ වැරදි හදන්න කියලත් ඉල්ලා සිටිනවා.

පුධාන වශයෙන් ලියන විදියෙ වෙනස් කම් තියෙනවා. බ්ලොග් එක තමන්ගෙ අඩවිය, තමන්ට හිතුනු දෙයක් ලියන්න පුළුවන්. ඒත් විකියෙදී ඊට වඩා වගකීමෙන් කටයුතු කල යුතු වෙනවා. විකිපීඩියාවෙ සම්මත නීති රීති වලට අනුකූලව ලිවිය යුතුවෙනවා. වචන භාවිතයේදී වචන මාලාවකට(glossary) එකකට අනුකූලව ලියන්න පුළුවන් නම් හොඳයි. මේක එක වචන මාලාවක්.

හැමෝම පුළු පුළුවන් විදියට දායක උනොත් මේ ලිපි ගණන වැඩි කරගන්න පුළුවනි.

කොතැනින්ද අපි පටන්ගන්නේ?

මුලින්ම ඔබ විකිපීඩියාවේ register විය යුතුයි.

ලියන්න ඉස්සෙල්ලා ටිකක් විකියට පුරුදු වෙන්න sandbox එකේ මොනවහරි ලියලා පුරුදුවෙන්න.

ලියද්දි වදන් සකස්( formatting) කරන්න මේ වගේ පොඩි පොඩි ‍‍දේවල් ටිකක් මුලින් දැනගත යුතු වෙනවා.  මට කලින් අය ලියපුවා බලලා මම සෑහෙන්න දේවල් ඉගෙනගන්න පුළුවන්.

මෙහෙමයි ලියන්නේ….

ඇල අකුරු ලිවීම ”වදන්”

තද පාට අකුරු ”’වදන්”’

ඇල හා තද පාට අකුරු ””’වදන්””’

ලින්ක් භාවිතය තවත් විකිපීඩියා පිටුවක් ලින්ක් කිරීම

[[ලිපියේ නම]]
[[ලිපියේ නම|පෙන්විය යුතු වදන් පෙළ]]

වෙනත් වෙබ් අඩවියකට ලින්ක් කිරීම

[http://www.example.org පෙන්විය යුතු වදන් පෙළ]

තවදුරටත් උදව් මෙන්න මෙතැන තියෙනවා.